Umfar - ferðaskipulag og leiðsögn
Umfar ehf. er fyrirtæki sem sérhæfir sig í leiðsögn og ferðaskipulagi fyrir fólk sem vill fara í gönguferðir um sunnanverða Vestfirði. Í boði eru ýmsar dagleiðir og val um nokkurra daga gönguferðir.
Vestur-Barðastrandarsýsla nær yfir suðurfirði Vestfjarða, svæðið milli Arnarfjarðar og Breiðafjarðar. Nokkrir firðir skerast nn í landið til suðausturs. Stærstu firðirnir eru Arnarfjörður, Tálknafjörður og Patreksfjörður. Útvíkur eru vestan Patreksfjarðar, vestan þeirra eru Bjargtangar, vestasti hluti Evrópu. Bjargtangar eru útvörður Breiðafjarðar að norðan. Látrabjarg frá Bjargtöngum austur að Keflavík er stærsta fuglabjarg Norður-Evrópu, 14km langar. Innan Keflavíkur tekur við Rauðasandur sem endar við Sjöundá, en þar taka við Skorar og Sigluneshlíðar, innan þeirra Barðaströnd til sýslumarka í Kjálkafirði. Margar fegurstu náttúruperlur svæðisins eru utan akvega.
Kynntu þér framboðið af spennandi gönguleiðum um sunnanverða Vestfirði. Allir ættu að geta fundið gönguleið við sitt hæfi hvort sem leitað er að þægilegum fjölskyldugöngum eða krefjandi áskorunum. Leiðsögumenn Umfars eru allir þaulreyndir leiðsögumenn og hafsjór af fróðleik um menningu og náttúru á svæðinu.
Umfar ehf. er fyrirtæki sem sérhæfir sig í leiðsögn og ferðaskipulagi um suðurhluta Vestfjarða.
Hér má sjá kort af svæðinu
