Surtarbrandsnámur undir Stálfjalli
Upphaf gönguferðar er tjaldstæði við Melanes á Rauðasandi
Gengið frá Melanesi að Sjöundá þaðan upp Sjöundárdal í Ölduskarð í um 350 metra hæð. Farinn er Miðgangur í Stálfjalli að Völlum, þar voru skálar námamanna á vinnslutíma surtarbrandsnámanna 1915 – 1917. Frá Völlum er haldið eftir fjöru um 1 km leið að námunum, sem eru nokkru ofan fjöru í Stálvík undir Stálfjalli. Farið verður inn í námurnar. Gengin er sama leið tilbaka. Ferðatími er um 10 klst.
Hægt er að sérpanta ferð um Geirlaugarskriður, leiðin um skriðurnar er erfið, aðeins fyrir fólk í góðu formi, vant göngu í lausum skriðum í bröttum klettahlíðum. Athugið að þessi ferð krefst tveggja leiðsögumanna.
Ferðatími: 10 klst
Aðeins fyrir vant göngufólk
